ماذا قالت والدة قتيل من قوات النظام للمسؤولين المعزين؟

unnamed (2)

ميكروسيريا

“الوطن اللي عم تحكو عنو مو إلو هوي إلكم” هذا ما قالته والدة أحد قتلى النظام في منطقة جبلة بريف اللاذقية للمسؤولين الذين زاروها للتعزية في ابنها الذي تطوع في ميليشيا “الدفاع الوطني” قبل أكثر من ثلاث سنوات لم تره فيها سوى ساعات.

ولدها عاد قبل أيام إلى بيته في جبلة بعد غياب طويل، ولكنه عاد بالتابوت الخشبي الذي وضع عليه العلم الأحمر ليتم دفن الجثة في قريته الموالية للنظام، حيث توافد المسؤولون المحليون لدى النظام لتعزيتها في ابنها، وقالوا لها إنه مات “فداءً للوطن”، ويجب أن ترفعي رأسك به.

وعندها انفجرت الأم المكلومة بولدها غضباً بوجه المسؤولين الذين حرموا ابنها من الحياة المدنية، وأجبروه على الالتحاق بالميليشيات الموالية للنظام ليكسب قوت يومه، وقالت لهم:

هاد ابني بيت ما عندو و زواج ما تجوز وبولادو ما فرحت

هاد ابني اللي تقدم لكل مسابقات الدولة تبعكم وما قبلتوه بوظيفة لأن ما عندو واسطة !

هاد ابني اللي كان يموت من الجوع والبرد والحر وانتو شبعانين ودفيانين !

هاد ابني لما احتجتوه أخدتوه وما في عذر قبلتوه

هاد ابني مات وما في محل إلو بهالدولة لإنو إبن فقير

هاد ابني اللي حرمتوني ياه وانتوا وين ولادكم !

ابني بقي أيام بلا أكل وسنين وهوي متحاصر انتوا وين كنتوا !

هاد ابني جايين تتغنوا إنو شهيد ! ابني مات قبل ما يستشهد!

ابني ما في شي بيعوضني عنو !

الوطن اللي عم تحكو عنو مو إلو هوي الكم انتوا انتوا ياللي ما شفتوه وهوي عم يتسول حتى يقابلكم وانتوا مشغولين وعندكم اجتماعات تعا بعدين ! ولك ابني راح وأخد قلبي معو !

اللي ما بيحترم ابني وهوي عايش ما بدي يحترمو بعد ما بيموت !

عظم الله أجركم وشكر الله سعيكم على مشقة مغادرة مكاتبكم بعد فوات الأوان.

أخبار سوريا ميكرو سيريا