نيسان ابراهيم سيدة من الرقة تحدت داعش ونطقت بالحق فقتلوها / كانت تعرف لو قبضو عليها سيقطعون رأسها لكنها استمرت بتحديهم

مادام تركيا تدعم داعش فداعش باقية ومادام داعش باقية فالاسد لن يسقط …
‫#‏هلوسات_الوداع‬

كل يوم منعوا منعوا منعوا منعوا ….جاي عبالي شي يوم يسمحوا بشي ..!

اغلب الشباب بالرقة ما تغربوا وفتحوا محلات نت ليترزقوا منها …وهلئ كمان ارزاقكم رح تسكتوا عنها …ليش هالخوف ….وين يلي تحدا ابو جاسم …وين يلي داس الصنم والميغ عم تحلق فوق راسو …وين رجال الرقة وين …
‫#‏يلعن_الذل_و_ساعتو‬

اليوم قام جهاز الحسبة باعتقالات عشوائية بشارع الساقية بمنطقة الرميلة …!!
اللهم اني اسالك لانك الاحد الصمد الذي لم يلد ولم يولد ولم يكن له كفوا احد …ياخالق الاكوان ياخالق ماخلقت وخالق مالم يخلق بعد ..اسالك من فضلك ومن عطائك ان تكفينا شر الظلام وان تفرج عنا وتجعل كيدهم في نحرهم يارب…
‫#‏الله_اكبر_ع_كل_ظالم‬

ومنشان تكمل عزلتنا احجم معظم الناشطين عن نقل اخبار الرقة بسبب التهديدات والاعتداءات المتكررة ..يارب بعزتك ماننا متل قوم نوح ولا قوم لوط ولا قوم صالح ولا هود …يارب في مننا المصلين والذاكرين والمتصدقين والخاشعين يارب ..فرجك