حدث في مانشتسر ...

أحد اصدقائي من الذين حصلوا مؤخرا على الاقامة البريطانية , قرر تغيير موقع مدينته بعد الحصول على الاقامة مباشرة , فذهب الى قسم الاسكان في مانشيستر , وقابل موظفة من أصل بنغالي , التي أخبرته بأنه لايحق له التقدم مباشرة للسكن في مانشستر حتى يقدم طلب نقل من المدينة التي لجأ اليها , وهلطلب بياخد حوالي العشر أيام , وصاحبنا ما معو فلوس , فنصحته الموظقة البنغالية على اعتبر انو مسلم , يروح علجامع ويطلب المساعدة, الشب ما كذب خبر وبوشو علجامع وكان موعد صلاة العصر , قابل امام المسجد وحكالو قصتو , وبعد البحث والمشاورة قلو فيك تنام بالمسجد لتظبط حالك , قلو كيف يعني هدول عشر ايام , حمام الواحد يتحمم مافي , قلو شو بدك يعني عوائلنا المسلمة تستقبلك بالبيت ؟ قلو ما عبطلب هيك رغم انو العوائل المسيحية من اهل البلد عبتستقبلنا ببيوتا , بس انو ما خرج تأمنولي شي غرفة أتآوى فيا حتى انقل ملفي لمانشيتر , قلو خليك بالجامع لنشوف ... وهيك حتى قرب موعد صلاة المغرب , يلي بلشت الناس تحتشد فيه بشكل ضخم وغير متوقع حتى صاحبنا حسب انو في صلاة على ميت !! قاكتشب بعدين انو المسجد يستعد لاستقبال الشخين الجليلين المبجلين , سعد الغامدي , والمقرئ على قناة المجد الشيخ المطيري .. يلي صلى بالحشود بصلاة المغرب , وقام ودعى للسوريين واليمنين , ودعى لجمع التبرعات , وهمت الناس بالتبرع حتى وصل المبلغ ل حوالي ال 10 الاف باوند ما يعادل 15 الف دولار ... صاحبنا استغل الفرصة وراح لعد الشيخ المطيري وسألو بحضور امام المسجد , هلتبرعات يلي جمعتوا لخارج بريطانيا ولا للداخل , فجاوبو المطيري , للمحتاج وين ما كان , فصاحبنا حكالو قصتو , وقلو أنا سوري ونابم بالشارع وبدي تساعدوني بسكن من الفلوس يلي جمعتوا باسم السوريين حتى انقل ملفي , قام امام المسجد جاوبو وقلو هدول التبرعات لاخوانا باليمن !! وبدأ المطيري باعطاء المواعظ وانو الانسان مبتلى وعليه الصبر على بليتو , واجهش الناس بالبكاء , فعصب صاحبنا وحس حالو مسخرة , قلو يعني أنا جيت لبلاد الصليبين استقبلني الصليب الاحمر وطعماني وكساني وأواني أشهر حتى أخدت اقامتي بالبلد وانا بالمسجد طلبت مساعدتكون عشر ايام بس لازبط وضعي ورفضتوني , معقول اروح علكنيسة واطلب المساعدة !!! فاهطل الشيخ المطيري على صاحبنا بأيات الصبر على البلاء ونظر اليه صاحبنا وهو يغادر المسجد بعدما تم ابعاده من قبل البودي غارد تبع الشيخ الجليل !!! فما كان من صاحبنا الا انو توجه للكنيسة يلي عطتو المساعدات وكل المواد الأولبة والسكن حتى يزبط أمورو وبدون ما ينسئل سؤال واحد لا هو منوين ولا شو دينو !!! بس الحمد لله اليوم اتصلت معو وتأكدت أنو لازال ينطق الشهداتين بعد ما دخل في دوامة " هل هذا الاسلام" ؟!