بالنسبة لما يسمى بالمؤامرة الكونية ضد المسلمين السنة اللي بنقراها يوميا على الفيسبوك. في حقيقة الأمر مافي شي أسمها مؤامرة ضد المسلمين السنة، وانما هي مؤامرة ضد الشعوب الضعيفة. من يوم قابيل وهابيل الى اليوم والانسان القوي يتأمر على الانسان الضعيف.
الامريكان ابادوا الهنود الحمر وماكانو مسلمين سنة. الاستراليين ابادوا السكان الاصليين وماكانو مسلمين سنة. الاوربيين استعمروا واستعبدوا دول بافريقيا ماكانو مسلمين سنة.
في الوقت الراهن المسلمين السنة هنن اضعف شعوب الكرة الارضية رغم غناهم لذلك متأمرين عليهم، لضعفهم مو لانهم مسلمين سنة.
اساسا، مافي داعي يتأمروا على السنة، لانهم هنن متأمرين على بعضهم البعض. أول من وقف بوجه الربيع العربي قبل امريكيا وايران ودفعوا مليارات لافشال الربيع العربي هم حكام دول الخليج (مسلمين سنة). هالحكي مو من عندي وانما من الملياردير وليد بن طلال نفسه. الفيديو موجود على اليوتيوب.
المؤامرة الكونية الموجودة هي ضد ثورات الربيع العربي وخاصة الثورة السورية المباركة بغض النظر عن دين او طائفة. لو العلويين انفسهم قاموا بثورة ضد النظام السفاح رح يلاقوا نفس المصير ويواجهوا نفس المؤامرة.
لذلك شيلو من بالكم قصة المؤامرة لانه قصص المؤامرات هي للضعفاء والانهزاميين.

نورس محمد