كريم ف. صالح

الحملة عليي بعدها مستمرة،من كل مناطق الجنوب ما بقي صفحة عالفايسبوك ما كتبت عني،الشتائم عم بتزيد و التهديد حدث و لا حرج،أهل ضيعتي من شوي تبرؤوا مني و بلشوا هجومهن عليي و متل العادة الإتهامات من كل مكان،ما خلوا كلمة مقرفة و ما خلوا مسبة لأمي و بيي..
كله كرمال طلبت من حزب الله بكل تهذيب و بدون اي تجريح او بدون اي كلمة زايحة انه يفك حصاره عن مضايا و الزبداني،يا عالم يا بشر في ناس عم تموت من الجوع،السوريين اللي بمضايا و الزبداني صاروا جلد و عظم،كل اللي طلبنا هوي الرحمة على هالبشر من منطلق إنساني،من دون النظر إلى طائفة المظلوم و الظالم،حكيت لأن إنسانيتي اللي علمتوني أيها بالقوة بمجالس عزائكم عن الإمام الحسين،من لما كنت زغير عايش بينكن بكفررمان..
وين أهل كفررمان اللي وصلت صوتهن للإعلام بعد قرار حزب الله بإقفال محلات المشروبات الروحية؟
وينهن اللي دفعت ثمن كل كلمة قلتها و بس جد الجد الكل تبرأ مني؟
وين اللي كان يترجاني لاحكي عن حكم حزب الله بكفررمان،لأن هوي ما بيسترجي؟
الكل صار ضدي و صار يحاربني اليوم،كله كرمال لقمة أكل عم نطالب حزب الله انه يقبل يفوتها لأطفال بعمر الورد عم تموت من الجوع..
أنا بقبض مصاري يا سراقين،يلي سرقتوا اعاشات أهل الضيعة بعد حرب تموز؟
أنا بقبض مصاري و كلكم بتعرفوا إني من ٥ سنين مش قادر انزل شوف بيتي و اهلي و عيلتي و شوفكن لأن وضعي المادي صفر؟
أنا عميل لإسرائيل؟
و عملاء إسرائيل اللي كنت حاربها بالضيعة و عالفايسبوك لأن حزب الله اليوم عم يحميها وينها؟
أنا عميل للسعودية،و انتو اللي تصكن عايش من ورا الخليج و مصاري الخليج؟
يا عيب الشوم،يا عيب الشوم يا كفررمان..
بس على كل حال شكراً يا أوادم،و جايي الإيام و كل شخص رح يُبين على حقيقته..

 

هذه عينات من الشتائم و التهديدات اللي وصلتني منذ البارحة،شكراً على أخلاقكم..