انا فعلا مابحب الأسماء المستعارة…ولا بحب حاورهم ولا طريقتهم بالتخفي وراء أساميهم وشخصياتهم والشتم والردح والتجريح المتعمد…ثم الذهاب

لكن أحيانا, لشدة ذكاء الخصم واستفزازه…بتمنى كون اسم مستعار, شو فايدة الحوار؟ شو فايدة الحوار مع شعب عم يرضع حب الآيات والأحاديث رضاعة؟ وخلص قافل على العقل والمنطق ليوم الدين؟
شو فايدة حوار طائفة متخبية وراء القتل؟ والسفاح؟ وراء قاتل مجرم برقبته هو وأهله ومن والاه آلاف الموتى؟ وبيحكيلك عن الممانعة والمقاومة؟ والوطن؟ واللاطائفية؟
شو فائدة الحوار مع انسان منتفع من قصة, وعم يحاول يبرللك أنه الفاسد مشرع, أو الارهاب ضرورة, أو العدوان منجاة؟
شو فائدة حوار انسان طائفي مفكر حاله من النخبة وحالة خاصة وسط المتخلفين ومتفوق على غير طوائف وهو فعليا مابيفرق عنهم بالمنطق والفكر المنغلق؟؟؟ ولابعمره قرا كتاب لآخره؟
شو فائدة حوار انسان من العاصمة مفكر أهل الريف خروات بسطاء حمقى؟ وشعبيين شعبويين ماممكن يطلع منهم الرجا؟
شو فائدة حوار ناس بتحكيلك عن العمالة للغرب والخيانة, وهنن مطبلين مزمرين للتدخل الروسي ولا الايراني ولا الشيشاني ولا السعودي ولا التركي؟
شو فائدة حوار انسان متعصب لدين ولا رئيس ولا طائفة لحد الموت؟ والتفجير والتدمير من أجل فكرته؟

يا أخي بحسدهم فعلا…هالأسماء المستعارة
خاصة لما يكتب: كول خرا ويمشي…
لك مشتهي مرة أعملها…

مشتهي لما فوت على صفحة لأقرأ خبر عن رياضة أو أفلام أو أغاني.. لك أخبار….وشوف هادا يلي كاتب تعليق:
هل تعلم عن أبي هريرة…
أو ردد ورائي…أنا رددت ذكر الله
أو الدعاء الذي يفطر قلب المؤمن…
أو من ترك الصلاة…
أو عن الإمام الفلاني..
مشتهي يكون اسمي الغراب الحزين داخل النار: واكتبله: كول خرا

مشتهي لما يحكي شي سياسي بلغة فصحى وقت يلي الكل ناطر منه كلمة صغيرة مختصرة تعبر عن جموع الشعب المحتاج لكلمة ترفع معنوياته مو خطاب رنان سبع صفحات ونص مافيه كلمة وحدة مباشرة عن القضية يلي بدنا ياها:
مشتهي سمي حالي سبع الليل الارهابي: وقلله: كول خرا

مشتهي لما يعلق (علي مع يزيد) على صفحة آراب أيدل: سمي حالي قاهر الروافض والمناصب والسنة والشيعة معا واكتب: للاثنين كلوا خرا

مشتهي لما يجي حدا يقللي أنا من منطلق نظري للموضوع الفلاني…وهو آخر شي قراه غلاف مجلة سيدتي: قلله كول خرا

مشتهي لما حدا يغوص للأعماق ويحلل ويطلع معه انه الماثونية وراء كل شيء…قلله كول خرا

لكل بومة مكتئب من وجه الصبح…

لكل واحد حاطط صور أذرع مقطوعة…أو دماغ امفجر

لكل خبر ديني غرضه ايقاع الملحدين بفتنة الدين الحنيف

لكل معلومة مو مفيدة, مصدرها السراب

لكل بوست مكرر مليار مرة من أجل اللايك

لكل واحد كاتب خبر عاجل, أو سبق صحفي, أو خبر إعلامي مصدره أبو أحمد هيلطية…

مشتهي سمي حالي: بعمرها مارح تخلص, وقول لجماعة الله يطفيها بنوره: كلوا خرا

مشتهي سمي حالي: خرا عليه وعلى يلي حوليه, لجماعة هو منيح بس يلي حوليه عاطلين…

مشتهي لما شوف ناشط بيقبض 3000 راتب دولار من منظمة أمريكية, ونايم مع رفيقته ببيتها, وبعدا يقول لاتشتموا جبهة النصرة: قلله كول خرا

مشتهي لما حدا يحط إعلان: لقد ربحت ألف دولار من موقع على الانترنت, هل تريد الربح مثلي؟ قلله أريد أن أقول لك: كول خرا

مشتهي لما روسيا اليوم تحط أي خبر عن سوريا: سمي حالي قاهر بوتين: قللهم كلوا خرا

مشتهي لما فوت على صفحة, واقرا رجاء ضعوا لي لايك حتى تكبر صفحتي بحب الله: قلله بيقلك…: كول خرا

مشتهي لما واحد طائفي يمدح بطائفته ويحطلنا عبرة الحياة السرمدية أنهم هنن الأصل والباقي تقليد سمي حالي قاهر الأديان: قلله كول خرا

مشتهي لما واحد يبعتلنا حديث نبوي فيه عبرة مفكرها العبرة يلي رح تغير مسار الكون…قاهر احاديث الأنبيا

مشتهي لما حدا يحكي عن المرأة بشكل رومانسي وحقوقي وأنها المخلوق الفاضل المفضل عن الرجل، بس حتى يطبق أي وحدة بتوقف بطريق عباراته الرنانة الحنونة الصافية النقية الخدومة للمرأة: سمي حالي المغتصب: وقلله كول خرا

مشتهي لما حدا مسمي حاله ملحد, وجاية يشتم بطائفة معينة ويبكي ويتبكك ويتعبد طائفة أخرى: قلله كول خرا

مشتهي لما واحد مسمي حاله ملحد, ومفكر لو سب الله كل نص ثانية بيكون مميز: سمي حالي قاهر الملاحيد الملاعين: وقله: كول خرا

مشتهي لما واحد يحطلنا عبرة تافهة, ومكشوفة من أول سطرين أنها مو عبرة أنها بديهية بيفكر فيها أي انسان..لولي أو نبي او ” علامة”…

مشتهي…لما فنان يطبل لرئيس أو نبي…!!

مشتهي لما واحد يكتب رائع لوحدة كاتبة كلمتين مابينفهموا…..قللهم: كلوا خرا

فعلا….نيالك يا صاحب الاسم المستعار….كم مرة شتمنا ومشي ونام مرتاح…
كم مرة عمل بروفايل مستعار بس ليسبنا ويبعتلنا مسبة ويمشي
بحسدك حتى وانت عم تسبني…لهيك بعملك حظر
ومابرد عليك!!
لأني بعرف أنو انت ناطرني لرد عليك: لتقلي كول خرا