توفيق الحلاق

سأنشر الرسالة كما وصلتني على الخاص من أم خائفة على أبنائها تعيش في الساحل السوري .

 
مرحبا أستاذ توفيق . نحنا حبيناك من ظغرنا ولسا بنحبك شو ماصار ومشان هيك حبيت خبرك عن اللي صار فينا ولسا بدو يصير.
انا أم من الساحل السوري متل كل أم بتخاف عا اولادها وبدها تحميهم بعد ما الموت أخد منا خيرة شبابنا وعن جديد طلعولنا بنغمه للشباب المدني من المتعلمين انو مجهزين الباصات لدورات تدريبيه ل استخدام السلاح ليلتحقوا بلواء الساحل ويلي ما بروح رح يخسر معاشو ويتلاحق اكيد تهديد بشكل مبطن بدن يسوقوهم عالموت متل الكلاب مو ناويين يخلو ولا شب عايش بكل الساحل بأسم الدفاع عن الوطن والواجب .وانا عندي تلات شباب رح ياخدوهم اكيد ورح يكون مصيرهم متل مصير اخوهم يلي حرق قلبي وكان بالدفاع الوطني وانقتل متلو متل نص شباب ضيعتنا والله تعب هالوطن من الموت وتيابنا صارت لون واحد الاسود وقلوبنا ما بقى تساع جروح