on
احذروا الثرثرة مع الغريب
احذروا الثرثرة مع الغريب
طالع عالدوام و متأخر كالعادة …. بطلع باول سيرفيس بشوفو بخلقتي و بستنا يعبي ركاب … و كالعادة بيطلع معنا جيش و أمن مسلحين و مخرطيشن و على كيفك ….. بيمشي السيرفيس و هون بتصير الدنيا ضلمة … لك شو هاد السيرفيس مفيم عالاخر ….. البلور الي قدام الشوفير كلو مفيم تقريبا …. السقف احمر و الشبابيك عليها برادي سودا ….. قدام الشوفير عشر طعش مراية و فوقها دناديش و دباديب حمر …. و جنبنا فرو ناعم احمر و اسود ( للوهلة الاولى حسيت حالي بكباريه او ديسكو ) بيمشي السيرفيس على موسيقى علي الديك نحنا رجالك يا بشار ..!!!!! …. و بيقعد جنبي شب ……
بيظهر اختنقت …!!!..
قلتلو : شوفة عينك …
بيقلي : الحق مو عليه الحق على هالامن و المخابرات لازم يوقفوه فورا بس شو بدنا نحكي ما في شي ظابط بهالبلد لا امن و لا جيش و لا شي لو كان متل الخلق ما كان صار ثورة .. الناس معهم حق انا ما بلومهم …..حسيت كلامو مع جو كلو دخان و ضحك متل الهم عالقلب فطنشتو …
وصلنا عاول حاجز قلنا بالسلامة تاني حاجز قال الله معكم تالت حاجز تمنياتن بالوصول الامن العما شو القصة !!!!!!….ليش مافي تفتيش اليوم ??? بلشت عصب و هالزمك الي جنبي ما سكت و لا لحظة وهو عم يعدد مناقب الثورة …!!!! لحتى وصلنا على مفرزة امن و هون بيجو الشباب بيلتمو علينا اكتر من عشرين واحد … شوفي !!!!!!!!!!! ليكون اعتقال جماعي ؟؟؟؟؟
بينفتح الباب و بينزل الشب الي جنبي و بيلتمو عليه كلهم …..
الحمدلله عالسلامة سيدي…!!!!! و بياخدوه بالاحضان … العما طلع هاد سيدي … O_o ….. منيح ما دجينا شي كلمة عالنظام الله يعدمني ياه …
.طلعت القصة عملية نوعية لايصال سيدن الشخصية المهمة للفرع …
نقلا عن جدار بسام الخوري