Written by MICRO SYRIA ميكروسيريا
on 

كان عنا حياة .. كان عنا “وطن”


 كومنت – علا الخطيب

كان عنا جيران .. مكاري أو باصات .. كان عنا زفت و مطبات .. سيارات مزينة يوم العرس .. قباقيب زهر و أصفر .. بسكويت على شكل حيوانات و سجاير على شكل شوكولا .. تلفزيون وأفلام كرتون .. كان عنا “حمادى” يتحركش بكل بنات الحارة .. و عنا أبو فوزي نسرق البزرات من عنده … كان عنا بسكليتة صفرا و زرقا ..و بستان زيتون كبير .. كان عنا حيط نسهر بالصيف أدامه .. كان عنا قهوة حلوة و مرة حسب المصاري .. و عرق الريان و بيرة بردى .. كان عنا مسبحات من كل اﻷلوان .. سجاجيد مصفوفة بالحميدية جنب السوتيانات و الشحاطات .. كان عنا زلاغيط و عراضات .. كان عنا رفقات ونقاشات .. ضحكات و عبطات ..
كان عنا حياة ..
كان عنا وطن ..

“فيسبوك”