كومنت – محمد منصور

في لعبة بيلعبوها الشبيحة والفنانين اسمها لعبة الحسابات المزورة. وباعتباري كنت بعرف معظم الفنانين معرفة شخصية على مدى ربع قرن تقريباً من العمل الصحفي، فصرت حافظهن، وحافظ كيف بيكذبوا، وكيف بيقلبوا، وكيف بيقولوا بوجه المنتج أو المخرج شي وبقفاه شي تاني.. وكيف كانوا يتمسخروا على بشار الأسد على كاس ويقلدوا وهو عم يقرط بالسين.. وتاني يوم يطلعوا بمقابلة عالتلفزيون يسفحوا كرامتهم تحت صباطه.

لهيك بعرف لغة كتير منهم وكيف بيفكروا وكيف بيعبروا. وفيني قول أنو 90% من الحسابات التشبيحية المزورة هي بتمثلهم.. وهي مؤسسة إما برضاهم أو تحت إشرافهم المباشر… لأنو أنا بعرف شي واحد. وقت بيتزور حسابك بتقول هالكلام بشكل واضح وصريح.. وبتطلب من معجبينك يبلغوا عن الحساب المزور وبسهولة بيتسكر… بس هنن ما بيساووها لأنه معظمهم بحب الإثارة، وبيموت إذا ما سمع الناس عم تجيب سيرته بشائعة أو قصة أو حتى كذبة… وبيحب يضل مثار اهتمام الناس.. حتى لو صار “علكة بتم الناس”!

وفي تعليقه على هذا البوست، أوضح المبرمج السوري قاسم عدره: “معك حق أخي Mohamad سهل جداً انك تسكر حساب عم ينتحل شخصيتك. والدعم – إن كان بفيسبوك أو تويتر او اي موقع تواصل اجتماعي – برد على ‘‘بلاغ الإنتحال‘‘ بأقل من ساعة “

“فيس بوك”