مصر أغلى هدية

مش من حقك تعيش الديموقراطية
وده بأمر من الإدارة الأمريكية
دي ناس قاسية ومفترية
مش ممكن تديك أي حرية
لازم تفضل متخلف ودي اللعبة يا أفنديه
العلم أساس يا مصراويه
ده مش كلام شوية أونطجية
دي خبرة انسان مثالي عاش وسط الحرامية
عاش مع فسدة وبلطجية
شاف خونة وناس مؤذية
بتبيع مصر بشوية فلوس وعملات أجنبية
وتكرس لينا الجهل بالكيلو والوقية
يا بلد ملكيش الا زعيم مافيا وشلة حرامية
وحيات حبك يا مصر مش هاصمت تاني على الأيدي الخفية
وهاعلي صوتي وأقول دول مجرمين دول بلطجية
معلش اعذريني ده انا ضعيف ودول ناس قوية
اعذريني ده انا مسكين ومحتاج عطيه
عندي حمل تقيل ومسئولية
لكن م النهارده مش هابيع القضية
ولا هاسكت على الظلم يا بلدي يا اجمل عطية
عطية الرحمن لينا ف الأرض يا اغلى هدية