يا أمة العرب .....

ليه يا أمة العرب والمسلمين تقبلوا تكونوا مستسلمين إزاي أصبحتوا شتات في كل مكان مفتتين معقول يا عرب تكونوا بجد خايفين وعندكم الأراضي والثروات بالملايين إخواتنا الفلسطينين بيجاهدوا من سنين وأمريكا وروسيا الجبارين بيقتلوا السوريين بس أكيد إحنا جهلة ومغفلين من إمتى الأمريكان بيدعموا ثورة وثائرين مش ممكن أمريكا تدعم ثائرين ولا ترضى نتحرر من طغاة مستبدين ومهما نكون بنعاني من ديكتاتورية حكام جبارين وبنادي بأعلى صوتنا ف حسرة وأنين العالم مش بيسمع صرخات المظلومين ولا بيساعد الضحايا ولا حتى المقهورين ده عالم منافق بيرفع راية الظالمين ويقتل الضحايا بعيون باردة ويقول عليهم إرهابيين آه يا بلاد الكذب يا بلاد الخائنين هاقولكم كلمة من ثائر عظيم القتل عمره ما هدم أفكار المخلصين ولا يمكن يكسر نفوس المؤمنين دي مش اول حكاية عن قصص المرابطين ده العذاب شافوه ألوان على مدى السنين وانتصروا زمان ف موقعة حطين لما صلاح الدين هزم الخونة الصليبين وعدت سنين كان بيحكم فيها الصالحين وفجأة ظهر المغول بكل جبروت وغرور اقتحموا أراضي الشام وسرقوا الأموال والقصور وعلى باب مصر ظهر قطز المنصور هزم المغول ودفنهم ف قبور ليك حق تحس بالعزة وتكون فخور ده العرب شافوا أمجاد على مدى قرون ودهور باتكلم عن الماضي وانا فخور مبهور ومش بانسى الحاضر وانا باشوف العربي مقهور وحياة جدي الي عاش ف عز وسرور مش هاسيب تاريخي يضيع زي الهباء المنثور ولا هاسيب بلادي لكل عميل مأجور هنحارب ونجاهد مهما يكون الحال معذور ويمكن نهاجر لأبعد مكان زي الطيور لازم نحاول ونرجع تاني نثور دي الحضارة العربية مش ممكن تزول أنا مش باقول أساطير ولا روايات عن المجهول يارب يا خالق الوجود انصرنا على كل عدو لدود يارب يا ودود اكفينا شر كل جحود اللهم اجعلنا لكلمة الحق جنود