د.عزة عبد القادر -مساهمات القراء

بنحسب ليالي الدنيا طويلة مع إنها قليلة اوي وقصيرة
يموت فيها أحبابنا ولا تفكر ف يوم تواسينا
مع إنها دايما بتشغلنا وساعات تنسينا حتى أسامينا
متستهلش نغضب ولا نتنازع ونسيبها تلهينا
امبارح كان ابويا معانا حارس من قسوتها بيحمينا
ومن ظلم ناسها بيضمنا ومن الجروح بيداوينا
وف غمضة عين يموت ويودع ايامنا وليالينا
ونشوف الحياة من غير احبابنا وتبعد عنا أراضينا
ولما نلمح ديارنا نبكي ونفتكر اجمل حكاياتنا واغانينا
يارب يا عالم بحزننا ودموعنا على احبابنا واهالينا
اغفر لنا وارزقنا الصبر على كل ابتلاء فينا