دنيا مش جنان....

د.عزة عبد القادر لما تشوف قسوة الإنسان تحمد ربنا على نعمة النسيان مش ممكن تعيش وحدك بدون أنام حتى لو كنت شاعر بتقول أحلى كلام وحتى لو كنت تايه ف دنيا الأحلام لازم تعيش وسط الأغلال مش ممكن تدوق الحرية من غير عذاب ولا آلام أو تسمع صوت المطر من غير زعابيب وركام أو تشوف الشمس في أي مكان من غير أوان تبقى ساذج أو بترسم لوحة بالألوان أو يمكن تكون كاتب بتكتب أساطير وأفلام لو فعلا عارف معنى الحرية والإيمان هاتقدم روحك من غير تردد ولا كلام هتلاقي أهل الباطل بيقولوا تخاريف وأوهام بيقولوا عليك من الماضي بتاع زمان آه لو تفهم يعني إيه زمان الجمال والأصالة والوئام مستعد أرد وأقول كمان وكمان أنا مش ابن انهاردة أنا قديم وجاي من زمان انا زي أجداداي إلى عاشوا في عزة وإيمان إلى ضحوا بحياتهم عشان نعيش ف أمان باتكلم بصمت من غير كلام وباكتب في عقلي من غير ورق ولا أقلام أنا هحارب وعمري ما هاكون جبان انا عمري ما هاكون جبان ولا ف يوم هاكون ندمان أنا مجرد إنسان في دنيا مش جنان