مقتل عنصرٍ لقوات النظام دهساً على أيدي الروس في الساحل

صفوان أحمد: المصدر

قُتل أحد عناصر قوات النظام، وأصيبت شقيقته بتشوهاتٍ كبيرةٍ، يوم الجمعة 21 تموز/يوليو، إثر حادث سيرٍ على أوتوستراد طرطوس اللاذقية، تسببت به قافلةٌ للقوات الروسية حاول تجاوزها، ما أثار غضب الموالين.

وأفادت “شبكة أخبار جبلة” الموالية، بمقتل “الشاب ميلاد اسمندر، وتعرض أخته لتشوهات كبيرة إثر حادث أليم إذ حاول تجاوز قافلة الأصدقاء الروس بسرعة فائقة على أوتوستراد طرطوس اللاذقية منذ يومين”، على حد تعبيرها.

وأشار المصدر إلى أن “اسمندر” من قرية عين الحياة/جبلة، وأكد موالون في تعليقاتهم على الخبر أن الضحية هو عنصر في قوات النظام، حيث قال أحدهم: “الشاب عسكري ولازم يعتبر شهيد لا تضيعو حقه وتقولو وفاة”.

وفي التفاصيل، أكدت مصادر إعلامٍ موالية، أن الضحية “كان عم يسوق سيارة فان وحاول يدوبل عاليمين بس كان مسرع، وسيارات الروس كانت ماشية بنص الطريق بعد حاجز ارزونة، الفان عبا بسيارة الروس من جهتو”، في حين أكد آخرون أن الحادث تم على الحاجز، محملاً مسؤولية مقتله للروس، وقال أحدهم معلقاً: “لا وانت الصادق صار الحادث عالحاجز، يعني ما كان فيه سرعه فائقه، بس اصدقائنا الروس بدون كل الطريق”.

وتتابعت تعليقات الموالين الغاضبة جراء الحادثة، وتساءل أحدهم: “يعني بشو منأذيهن للروس اذا مشينا حدن، نص الطريق ما بتكفين حتى يصفوناا رتل وراهن خمس ساعات لنوصل ع طرطوس، أحيانا الواحد ما بيتحمل”، وأضاف آخر: “قال يعني ع اساس هدول الروس بيعطوك طريق اذا بدك تتجاوزهم… وك يا حبيبي بيطحشوا عليك و بيطحبشوك انت وسيارتك… لهيك لا تتجاوزوهم يا اخي”.

وأكد آخر: “لك عمي هدول الروس مافي مزح معن، بضلو مشيين العالم وراهن من مطار حميميم او مفرق طرطوس لتحويلة حمص”، وأضاف آخر: “بطرطوس وبجبلة القوافل تخنوها بقطع الطريق، يعني ليش بالشام مابينقطع وبحمص مابينقطع وبيمشوعالطريق طبيعي الا بالساحل بينقطع الطريق وممنوع حدا يمرق جنبن”.

وأشار آخر في تعليقه إلى أن قراراً صدر من وزير الدفاع يقضي بمنع “اي سيارة شو ما كانت صفته بدولة تدوبل سيارات الروس والترفيق تبع الروس، وعطو امر الي بيطحش بتقوصو ع دواليب السيارة، لان اذا نحنا مرقنا ولا سمح الله طلعت سيارة مفخخة بعلقونا ع مشنقا، هي أولا، تانيا اذا بنمرقو الروس ما بيوثقو بحدا وما بمرقو بطحشو علي لحتا يعمل حادث، وابتفرق معهن شي، بقوصو ع السيارة، وعادي عندا اذا مات الزلمة ولا عاش، بس شعبنا ما بيفهم انو ممنوع ياخييي والله ممنوع”.

وقال أحد الموالين معلقاً على الخبر: “بدكن تروقو شوي لولا هالارتال ولولا السوخيه يلي بلشتو تملو منها كنت حضرتك وحضرتو عايش بالخيم، حاجي عجق حكي شي ملينا من الارتال وشي صرعونا بالطيران، وحضرتك تذكر وضعنا قبل سنتين لك شعب كتير عليه”.