تعدي السنين ونفس الوشوش هي هي
والفرق الوحيد ف شوية رتوش وحبكة درامية
كذب وادعاءات وتشوف احلى تمثيلية
ابهار واثارة ولا احلى فقرة تراجيدية
يصدقها الطيبين مع انها مجرد مسرحية
ف بلاد العرب الآبية تلاقي ناس زي العصبجية
يضحكوا عليك بكلمة وساعات بأغنية
اغنية من غير طعم ولا موسيقى شجية
تضحك غصب عنك وتقول مش قضية
تكتم حزنك وتتعلم المكر بمنتهى الحرفية
وتضرب مثل ف الكره والغل بدون انسانية
تعدي تاني السنين وترجع تسأل عن المثالية
يمكن ماتت وسط القسوة والعنصرية
يمكن نلاقي الفرحة ف ضحكة طفل مستخبية
او ف دعوة ست عجوزة ف الفجرية
يارب تسامحنا وترزقنا عيشة هنية
ومتحرمناش من الرحمة ف الايام العصية