ضوء النهار.........

د.عزة عبد القادر لما بنشوف ضوء النهار بنكتب أجمل الأشعار ويحلى لينا الكلام مع الأصحاب ونعمل زيارة للأهل والأحباب ويمكن نتجمع ف دايرة مع أحلى شباب ونتكلم بحماس عن أحسن كتاب ونقوم بجولة ف القاهرة القديمة عشان نزور مساجدها العظيمة أكيد هانروح جامع عمرو ونقابل تاني بياعين التمر نشتري التمر ونتوكل على صاحب الأمر وندخل الكنيسة المعلقة مش ممكن تتصور مبنية من كام سنة ده أما كان أهل مصر ف عز وهنا ده كان أيام زمان أما كان فيها رجال زى الفرسان كنت تحس بالود والأمان ذكريات مصر دي كان وكان كان عمرك ما تحس بالهوان كان في سلام ووئام كان في حياة مرسومة بالألوان دنيا زيها زي الأحلام الشجر كان هناك ف كل مكان والناس مع بعضها ف كل وقت وحال كان الفرح دايما في كل أوان والحزن يهرب بكلمة من فنان فنان يعرف معنى الإنسان يا عم يا بتاع الفل والريحان سمعنا شوية أغاني وألحان يلا فكرنا بأيام زمان لما كان الخير واصل للعنان ومفيش فقير يبات جعان وتشوف الفرحة على كل البيبان يارب يا حنان يا منان ارزقنا الصبر وثبتنا على الإيمان